Нутриционист или фитнес тренер?

Нутриционист или фитнес тренер?

Разликата е важна – и двете професии имаат своја вредност.

Во последниве години, здравиот начин на живот стана сè попопуларна тема. Сè повеќе луѓе се свесни дека телото не е проект од 30 дена, туку систем кој бара грижа, знаење и поддршка. И тука најчесто доаѓа прашањето – кој е вистинскиот водич на тој пат: нутриционист или фитнес тренер?

Фокусот на нутриционистот

Нутриционистот се занимава со нутритивните потреби на телото, со анализа на навики, лабораториски вредности, хормонална состојба и дефицити. Работи врз коренот на проблемот, не само врз последиците.

Преку индивидуален пристап и едукативна поддршка, нутриционистот гради план кој е:

• применлив во реален живот

• усогласен со здравствениот статус

• одржлив на долг рок

Како магистер по нутриционизам и личност која секојдневно е посветена на оваа професија, можам одговорно да кажам: промената на телото не започнува во теретана, туку со разбирање на внатрешните процеси. Здравјето се гради одвнатре.

Улогата на фитнес тренерот
Фитнес тренерот има клучна улога во движењето, мотивацијата и градењето дисциплина. Тој е водич на патот кон физичка активност, сила и кондиција. Но, неговата експертиза не вклучува дијагностика на дигестивни нарушувања, хормонален дисбаланс или дефицит на железо, на пример.

Двете улоги се надополнуваат

Наместо да се споредуваат, нутриционистот и тренерот треба да соработуваат. Најдобрите резултати доаѓаат тогаш кога телото се движи, но и кога добива нутритивна поддршка.

Ако чувствуваш дека не добиваш резултати и покрај вежбањето, можеби е време да вклучиш и нутриционист – за да може целосната внатрешна состојба да ја држиме во идеално ниво. 

Потребен  ти е индивидуален план или совет? Закажи консултација преку www.nutriem.mk или јавете ми се на контакт телефонот +389 7838889