Свежа салата со рукола, јаболко, ореви и сирење

Оваа лесна и освежителна салата е полна со витамини, минерали и антиоксиданси. Руколата, слаткото јаболко, здравите масти од оревите и протеините од сирењето прават совршена комбинација за здрав оброк или прилог.

Состојки:

• 150г свежа рукола

• 1 зелено јаболко, исечено на тенки парчиња

• 50г ореви

• 50г козјо или фета сирење

• За дресинг: 2-3 лажици ладно цедено масло, 1 лажица природен јаболков оцет или лимонов сок (по избор), 1 лажичка природен мед, морска сол и мелен црн бибер.

Подготовка:

1. Во голем сад ставете ја измиената рукола и додајте го исечканото јаболко.

2. Додадете ги оревите и сирењето.

3. Во посебен сад измешајте ги маслиновото масло, јаболковиот оцет, медот, солта и биберот.

4. Прелијте ја салатата со дресингот и додајте лимон по вкус.